محاسن بيومي في صرخة ألم

صرخة ألم

ودعت أنا سكوتي
صدري كتم صوتي
يا بلادي هاتعيشي
ولاعمرك تموتي
ودعت أنا سكوتي
أولادنا بالملايين
جوا الميدان ثايرين
ع الظلم مش قادرين
أعداءنا مش ساكتين
زرعوا مابين أخين
للفرقة دنيا ودين
كتبوا تاريخ موتي
ودعت أنا سكوتي
صدري كتم صوتي
في القلب نار والعة
والشمس مش طالعة
ليه الخلق مش سامعة
ليه اتكتم صوتي؟
ودعت أنا سكوتي
ليه الأخ يقتل أخوه
قتلوا الوطن صلبوه
جوا الميدان حرقوه
قال يعني بيحبوه
اللي يحب الوطن
يرفع معاه صوتي
ودعت أنا سكوتي
فجرت ثورة ألم
اتشل سن القلم
والفتنة في بيوتي
مش هي أرضي
ولا هو ده بيتي
ودعت أنا سكوتي
صدري كتم صوتي
ينعي الدمار يا مه
وخرابي لبيوتي