محاسن بيومي باصرخ وأقول الآه صرخة ثانية

بصرخ وأقول الآه الصرخة الثانية

بصرخ وأقول الآه
والابن بعد الطرد
في القلب كان مأواه
والأقصى ويا المهد
عايشين معاه وجواه
باصرخ وأقول الآه
ونبض قلبي لما خدني
قاللي بطنك قبل بطني
قاللي ابنك هو ابني
وأنت بالأحجار رميتني
جرحت قلبي بطعنتك
بعدأما رق وحنلك
وإيديا مسحت دمعتك
يافتح يافلسطين
أو حتى حماسيين
أرض الكنانة درع
أرض الكنانة ردع
أرض الكنانة عرض
وأولادها مصريين
لكن الكرامة خط أحمر
ماهوش خطين
ماتشوفوامصر المجد
أم الهرم والسد
ده لكل واحد حد
ولا عمره كان اتنين
بقى هو يعني اليد
في الشدة لو تتمد
يكون جزاها العض؟
ولا أنتوا مش فاهمين
ده علمنا رمز المجد
عمره ما كان علمين
وجميلنا لو يترد
بالعنف يا فلسطين
ع القلب لما يرق
لازم نقول آسفين
والاعتذار للأرض
واجب كمان للطين