محاسن بيومي تنادي مصر ياااااااااااااااااااااااحنينة

يا حنينة
باكتب أنا
حبك قصايد للغنا .
سن القلم قال إننا
هانصب نارنا ف جرحنا
.للموجة نركب كلنا
.وزرعنا فتنة ف أرضنا
،ثوار؟فلول؟ يادي الهنا!!
فرحان بكترة عدنا
،ملايين كتير قوي مننا
بالجهل تقسم صفنا،
يا حنينة باكتب أنا
وشهيد يناير إبننا،
يلعن حناجر جهلنا،
والجهل يقسم ضهرنا
،يا حنينة
أنا دمعتي مش هينة
ع الخد تكوي ميت سنة
ـترسم جراحنا بدمنا
يبكي تاريخنا ومجدنا
بقى بالحناجر فخرنا ؟؟؟
تاتو وجينز وفتونة،
فينك يا ذكرى نصرنا ؟
رمضان حبيبنا وقالنا
يوم عشرة منه كلنا
رقص الزتون فوق أرضنا
باس التاريخ توب أرضنا
طب ليه نلوث نفسنا؟
طب ليه نخون بعضنا؟
يا حنينة خجلان أنا
مكسوف كتير من جهلنا
ليه الجهل يصخر مننا
يا حنينة خجلان أنا
ليه الجهل يصخر مننا
يلعب بخفة عقلنا
ويذل ناسنا وأهلنا
يا حنينة
قرآن وإنجيل بينة
واحنا بعيد عن ربنا،
نصبغ ضفاير حلمنا
بالجهل تطرخ فقرنا
والضلمة عار يا حنينة
في بلادنا ليه مستوطنة
ياااااااااااااا اااحينة