عدد المساهمات : 326 تاريخ التسجيل : 14/12/2008 العمر : 54 الموقع : www.magneno.malware-site.www
موضوع: محاسن بيومي في أحضان بلدنا الجمعة نوفمبر 05, 2010 10:49 am
الله أكبر هو حمينا(1)
أرض الحبايب غالية يا سينا باسم الله وباسمك عدينا صلينا وعبرنا وسمينا حررنا أرضي مدينة مدينة وعلمنا طال السما بإيدينا طهرنا وبنينا وعلينا أرض الحبايب غالية يا سينا يا وردة جوا العين والنني بدمه يفدي ترابك ابني ومن حشايا وهبتك غصني أرض الحبايب غالية يا سينا يا أرضي يا أرض الأديان عيسى .. وموسى مع العدنان كان مفتاح النصر زمان وحدة ما بينا جرس وأدان والقلب كان ع القلب كمان وحدة هدية ربنا لينا أجمل بلاد الدنيا يا سينا ... أرض الحبايب غالية يا سينا عبد العاطي وضحى كمان أخد المدفع بالأحضان ومينا كان ابن الشجعان نشر العطر على الأوطان كان زادنا قوة صبر إيمان الله أكبر هو حامينا أرض الحبايب غالية يا سينا مسك ختامنا آهو جه رمضان رفرف بتوب النصر علينا روح الشهيد مصابيح حوالينا بالطهر زارعة ورود الزينة بإديها تهدي الشوق لإيدينا أرض الكنانة يا غالية علينا الله اكبر هو حمينا
طفولة أنثى(2) يا طفلة وساكنة جوايا في موال القلوب آية يا طيبة وراسمة ضحكاية أنيني بشمه في هوايا يا طفلة وساكنة جوايا في بحر أنيني ورداية بشهد الورد ترويني ونبضك همس لأنيني فراشك هو نور عيني ياطفلة وساكنة جوايا بحبك أيوة حب صريح بتتسابق معاه الريح بحبك رغم إني ضريح وفيه نايمة دموع عيني قوافيها تواسيني وتغزل مر ذكرايا يا طفلة وساكنة جوايا يا بسمة وكلها إحساس خلاص ماتت قلوب الناس وشهد الدنيا مر الكاس يا طفلة وساكنة جوايا بكل الحب تنده لي تعلم بالوفا أهلي وتبدر في السما اسمي ... معالم تايهة جوايا بتقتل كل ضحكايا ودنيا لشرنا مرايا..... تبدل بالوفا شقايا .... بإخلاصي أهاديها وتزرع خوفي في حشايا؟؟ يا طفلة وساكنة جوايا
سكك حديد مصر(3) قطر وقطر هيبقوا اتنين يروي الموت بدما الغاليين عدد الموتى صبح ألفين م العياط لبحيرة يا عين هاتبكي العين بالدم سنين وقطر وقطر هيبقوا اتنين عامل تحويلة واخد تعسيلة والناس ولا حولة ولاحيلة كدة راح تبقى بلادنا جميلة والإهمال في حياتنا وسيلة من الاهمال بس نروح فين قطر وقطر هيبقوا اتنين والدستور في حياة انسيابية يبقى تصادم بين قطرين تحجز شبر مابين قبيرين هاتبكي العين بالدم سنين عندي موبايل بشريحتين رنيت بيهم على ضميرين مغلق الاتنين غير متاحين والموضوع مابقالوا نهاية نقطة آخر السطر منين؟؟؟؟ وقطر وقطر هيبقوا اتنين دي جيوبنا آهي نضفت وانضفنا والتذكرة ف إيدينا رافعين ع البيجوهات ماحناش قادرين دا حتى شعارنا ف أرض وطننا أدخلوا مصر يا ناس آمنين نظرة ياريس دا أنت حبيبنا وساكن جوا الروح والعين ليه القطر صبح قطري
أحضان الشوك(4)
يا بلادي أنا ابنك هايب أنا حضنك عاشق أنا صمتك يامايا ليه ضعفك يا بلادي ضميني والحضن يحييني يا شوقي وحنيني هايب أنا حضنك لما تضميني.......... تنزف دموع عيني م الوحدة وأنيني رغم البعاد عنك !!! رغم إني مشتاق لك هايب أنا حضنك رغم الأنين حاسس... . إن أنت نور عيني فرشة تغطيني والله مشتاق لك تحضني انا ضفايرك دا الفجر كان راسمك والبدر كان اسمك هايب أنا حضنك يا غالية شوارعها باحزن وباشكي لها ظلم الزمن ليا ودموعي وأنيني يا بلادي أنا فيني ضميني دفيني يامايا ليه ضعفك والحب تكويني تنزف دموع عيني يا بلادي أنا ابنك حتة أنا منك هايب أنا حضنك أرجوكي ضميني أرجوكي ضميني
وحشاني(5) الأرض ليها حنان ....... وف قلبي ساكناني ماللي بناها كان......... في الأصل حلواني اللي بناهاكان فنان وخلاني وهمومي ساكناني ......... أصرخ وأقول ياني واحضنها بحناني ........ماللي بناها كان في الاصل حلواني يزرع جنانين حب والمسك رباني عطشان لنسمة شوق وعبيرها أوطاني واللي بناها كان في الاصل حلواني أخضر يالون الارض والخضرة عاشقاني تزف عطر الشوق يا بلادي وحشاني اللي بناها كان ............. في الأصل حلواني حب الوطن بركان وحبيب بقاله زمان في الغربة بيعاني رغم إني فيكي يا مصر يا بلادي وحشاني وحشاني ساعة العصر واللمة وجيراني اللي بناها كان .......... في الاصل حلواني محتاج لساعة صفر للنصر من تاني أهزم جيوش النفس واغسلها رباني مش بالكلام يا خلق راح نبني أوطاني اللي بناها كان بالعقل خلاني مفتاح رايات النصر والنصر آهوجاني ده اللي بناهاكان ........في الاصل حلواني رغم فيكي يا مصر يا بلادي وحشاني
قلب الخير(6) يا قلبي مليان حب يغزل خيوط القرب والحب لما يحب لجل الوفا يتحب يا قلبي مليان حب والحب بٍِذرة حَب تطرح نغم وزهور والطيبة جوه بحور كفك طبق بنور يتوضى فيه النور يرسم بنات الحور تزرع ورود الحُب ياقلبي مليان حُب يا قلبي فيك العِبر تصفح عن اللي غدر والضحكة منك قدر تسعد حياة البشر رغم انكسار القلب ياقلبي مليان حب والحب بذرة خير يعزف غناها الطير يهدي السمر للقمر يا قلب مليان خير ولكل داء فيك طب يا قلب مليان حب
(7) جدو يا جدو جدو يا جدو يا أعظم جد مجد جذوره هنا بتتمد فاكر لما بنيت السد؟ والوحدة بالطول والعرض وف سبعة وستين نتهد وإيمانك كان فاق الحد وكفاحك كان سنة وفرض جدو يا جدو يا أعظم جد بالشعب وجيشك الاتنين قام مينا وجرجس وياسين ومحمد يا صلاة الزين براكين نارهم تملا العين جيشك قام للنصر حصد جدو ياجدو يا أعظم جد لأهالي الشهدا بتصبر والفرحة جوانا بتكبر بتصلي للمولى وتشكر الله ع الفرح الله أكبر لما فتحنا نيران المجد كرم المولى ما كان له حد جدو يا جدو يا أعظم جد دم الشهدا هناك بينادي ويغني لي بلادي بلادي وتركت ف حبك أولادي وياهم في الجنة معادي والدمع بيسمع ويرد دم الشهدا آهو سال ع الأرض يرسم راية وعزة ومجد جدو يا جدو يا أعظم جد حاربوني بثورة إعلام قنواتهم وعليها يا سلام شياطين مدعية الإسلام تحريضهم للرأي العام في الفتنة وتجار أوهام ولا عمرها تبني وبتهد جدود يا جدو يا أعظم جد ده شعارهم أموال في الحال اشتم مصر تنول أموال افتري تكسب رزق عيال قواعدهم في جنوب وشمال بقى ليهم في الدنيا آمال يمحوا آثار أم الأبطال لما الابن ليهم يتشد ينسى حنان الروح للأرض جدود يا جدو يا أعظم جد مهما أقاسي وألاقي هموم مهما تمر عليا غيوم ألجأ للحي القيوم وأكسب رزق اليوم باليوم رزق حلال والخير هايدوم ولا أبيع أرضي الغالية ف يوم سر الجنة يكون في الحمد شدة تقوي ف وقت الجد جدو يا جدو يا أعظم جد باغزل أنا سجادة المجد خضرة جمالها آهو فاق الحد حبات عرقي هاتروي الأرض تطرح نصر وعزة ومجد ولا عمر أمالك تتهد اطمن لولي العهد
هروب( لما باهرب من وجودي ارتمي ف أحضان جدودي أنسى نفسي بين إيديهم تنقطع أحبال قيودي لما باهرب من وجودي افتكر لحظة حنان افتكر أيام زمان والدموع تملا المكان والحدود جوايا تهرب لما باهرب من وجودي يبكي ف القلب الأنين تصحى جوايا السنين والنجوم السهرانين تبكي من فيض الحنين للحبيبة الغالية لما تمسح الدمع الحزين أندهك يا حبيبتي عودي لما باهرب من وجودي بافتكر رزع الغيطان بافتكر صوت السواقي والكنيسة والأدان بافتكر صوت الحبيبة والقلوب مليانة طيبة بس ليه كل أما قرب ألقى بعدك عني أقوى من صمودي تبعديني عن حدودك تبعديني عن حدودي لما باهرب من وجودي
ولادك يا مصر(9) ولادك يا مصر دولا الفلاحين يا عيشة وبيهية ومينا وياسين بتحضن أيادي برقة وحنين مصانع بلادي وطمي الأنين شقى العرقانين وفي الأرض طين بيصرخ حنين يقول السنين بتحضن نديم وطه حسين ولادك يا مصر دولا الفلاحين ولادك يا مصر حضارة ومنارة أساتذة يا مصر في فن العمارة هرمنا وقلعة صلاح والفنارة ياقبلة ومدنة وللكون مزارة وخان الخليلي يقول للحسين ويشهد بإنك دوا الحيرانين ولادك يا مصر دولا الفلاحين عشقت ف هواهم دفا المندرة وشمس الأيادي هنا مبدرة روايح جدودي هنا معطرة تقبل فؤادي وتمحي الأنين ولادك يا مصر دولا الفلاحين بتزرع إيديهم مداين زهور ومن كل زهرة خلقنا العبور جمال والسادات وحسني الجسور زرعنا السما بأشجع نسور وكان جندي واحد بيأسر طابور تاريخنا بيشهد وعساف ياجور زهورك خناجر على كل غادر تمر السنين ويقوا الحنين في أحضان ولادك دولا الفلاحي
أعظم نسور(10) يامايا خلفتي الولد واتشد ضهرك واتسند يوم ما اتولد أعظم ولد يا هدية من رب المدد يامايا خلفتي الولد والميه من إيدك طهور قام الولد جاب العبور يا أم الولاد أعظم نسور يبنوا يعلوا في البلد يامايا خلفتي الولد يا مايا كان جرحك أنين بالدم كان ينزف حنين حبك على مر السنين موال لصبري وللجلد يامايا خلفتي الولد
ليه يا دنيا جرحاني(11) ليه يا دنيا جرحاني والحزن بستاني وزهوره زي الشوك في القلب وجعاني ليه يا دنيا جرحاني تعزف ناياتي أنين وسنين وراها سنين يواسيني حرماني ليه يا دنيا جارحاني في الدنيا ياما نفوس في الضهر طاعناني دا الهم خلاني عايش ومش عايش إنسان على الهامش والناس بتتعايش فرحانة بهواني ليه يا دنيا جرحاني تايه في ألواني ومعالمي ناسياني والضلمة عاشقاني رغم إن أوطاني في القلب ساكناني
دوار الأمل(12) يروح الليل ويجي النور ودوار الأمل بيدور بيغزل نبض قلب بدور يا قلب بدًور يا قلب جسور جناح الصبر بات مكسور يروح الليل ويجي النور وقلبي بالوفا مسطور على سري قفلت مجور يروح الليل ويجي النور ماعاد الفجر بيشقشق ولا عصفورة بتزقزق وأرض الأهل بتشرق وملح البحر راح يحرق في قلب بدًور في قلب بدًور يبات النور ويصبح ع البشر منثور ومن ضيه بنات الحور بتغزل نبض قلب بدًور يروح الليل ويجي النور ودوار الأمل بيدور بيرسم ع الجدار عصفور ويحلم إنه بيزقزق وإن الشمس راح تشرق تداوي جرح قلب بدًور وترسم ضحكة ع الدوار وزهرة حب تسقي عطور يروح الليل ويجي النور وقلب بدور بيبكي شهور وابن بدًور يعدي بحور يجرح فيها على كيفه ويقتلها صليل سيفه ويحرم أمه من طيفه يا ابن بدًور يا ابن النور تعالى ف حضني لف ودور ده قلبي أحن من غربة تعيش فيها سنين مقهور ودوار الأمل بيدور
علمني حبي ليك(13) علمني حبي ليك أشياء كتير بعديك وأنا قلبي ساكنفيك والجرح كان بإيديك .... علمني حبي ليك أشكر ليالي القدر وأزرع ورود البشر يرويها دمع السهر والفجر جوا عينيك علمني حبي ليك أزرع في أرض الخير شجر الزتون للغير علمني أبات أحكي عن حب قلب كبير رغم إنه جواه شوك أرضه بتطرح خير ياقلبي رفرف طير مرسى الطيور موانيك وهواها ساكن فيك علمني حبي ليك مهما أتجرح أفرح ولامرة ليك أجرح ويا الطيور أسرح وأزين المطرح وأدفن بكايا فيه ولنفسي ما أجرح علمني حبي ليك أشياء كتير بعديك
صوت الحنان(14)
صوت الحنان بالدم يرسم خيوط الهم قلب الوليد م الغم يغزل في نور عيني يا دمعي يا أنيني يابلادي ضميني دا الشمل لو يتلم صوت الحنان بالدم يقلب موازيني والوحدة هاتجيني م الهم تشفيني وابن البلد والعم صوت للحنان بالدم بالحب يئويني بلدي يا نور عيني م البرد غطيني ما بين رموش الهم الشمل يوم يتلم صوت الحنان بالدم يا بلادي دفيني بالحب قويني
صرخة ألم هاتجن(15)
صرخة ألم هاتجن والفرقة تملا وطن كان للسلام يوم فن يا بلادي فايضة حنان والهم لو إنسان يرسم عنيكي سكن وعروبة تملا وطن صرخة ألم هاتجن يا مصر يا توبي خلي ومحبوبي بين الضلوع دوبي النصر مكتوبي حب العروبة شجن قلب التاريخ لو حن يصرخ الم ويئن يا شوقي وحنيني الوحدة هاتجيني تقلب موازيني وتبوس تراب طيني
التليفزيون(16)
قنواتنا يا ناس رؤيتها أساس محلاها فتواها قناة الناس والأزهر خادللي أجازة خلاص في التليفزيون التليفزيون لو كنت تجارة أو ف الألسن فرص الأعمال هنا مش ممكن ديتها هتقرا وتتمكن وتكون كده شيخ في التليفزيون الشعب ده طيب قلبه حنون أصبح مجنون بالتليفزيون في التليفزيون التليفزيون في التليفزيون بهارات يا بنات ماكياج وآهي موضة للستات من بعد فسيخ يعمل شربات ولقهر الزوج ده سبع وصفات في التليفزيون في التيفزيون الحاجة دي فتواها عجيبة ضرب الزوجات للزوج هيبة فتواها مبنية على الخيبة في التليفزيون التليفزيون الشيخ بيقول الكورة حرام والبسمة عقابها سبع تيام كلنا في جهنم نبقى نيام في التليفزيون في التليفزيون الواد محروس والبت وفاء عاشقين في الدنيا جمال هيفاء للفن العربي كتبت رثاء في التليفزيون التليفزيون في التليفزيون السقة آهو مات وكرومبوا حظيرته عشر جاموسات بينا يلا شاهدها جاموسة ع السات بينا يلا يا ناس ع الفضائيات نشوف اللي هايجرى وبكرة يكون في التيفزيون التليفزيون محلاها قيمنا ومهما يكون .... في الدنيا أرق وأحلى جنون التليفزيون التليفزيون
نور الصباح(17) الفجر نوره واكتمل ماتنادي أحمد يا أمل قولي له حي على الفلاح قوم نغزل النور بالأمل راح تسمعوا صوت القلل غنى معاه عمي صلاح للي اتقطع واللي اتوصل ولمعته في عينه الأمل بتخلي كل الكون براح وتقول إيماني بالعمل راح يشفي قلبي من العلل مهما تكون في الكون رياح نهزمها مع قتل الكسل .. . ويتولد نور الصباح ويتقتل كل الملل ...... مع ضي شمسه اللي اتوصل بنور عيون عمي صلاح والله يا قلبي على العمل لو يوم يبوس خد الأمل ... يتولد نور الصباح
كان جدو نونو(18) الحلوة عيونه تصحي القلب بكل شجونه عاشق وطنه ماعمره يخونه ماعمره يخونه كان جدو نونو ورغم أنينه يشكي لرب الكون ويعينه يكبر زرعه ف أرض حنينه كان جدو نونو بطبعه حنون طيبة قلبه تساع الكون كان جدو نونو آه يا حلاوته نورعقلي بكل ثقافته قال العقل ده يوم هينور هاكبر ويا الفكر ويكبر محلا كتابنا العلم ينور كل الخير جواه ف مضمونه كان جدو نونو وأنا بردو نونو هعشق وطني وعمري ما أخونه وافدي ترابه وسماه وأصونه كان جدو نونو
ماما سوزان(19) رسالة من طفل بعيدا عن الضوء يا ماما سوزان أنا طفل صحيح !! ولكني جعان عارف إنك بتحبيني وتقدري قيمة الإنسان كل الناس في شتاها غطاها وأنا بتلوى من الحرمان نفسي ف مرة أبات شبعان نفسي ف ورقة أرسم لك فيها جرحي وجرح أخويا كمان نفسي ف لقمة ما بيني وبينه لجل ما مرة يبات فرحان نفسي ف أكلة رز وفتة سمكة بلطي أو مرجان نفسي أحافظ على الأوطان نفسي أبطل مدة إيدي للزوار والغرب كمان ماما سوزان أنا فرحان كده جدا بيكي بدلي فيا الخوف بأمان مليون وردة أهديها إليكي ياوردة نادية على الأغصان آدي إيديا خديها في إيديكي تخلق جندي شجاع في ميدان لكن الشارع خلاني أبكي طفل صحيح ولكني جعان عمره ما حس في يوم بأمان ماما سوزان يا ماما سوزان بدلي فيا الخوف بأمان صرخات الِعزة(20) أنا بنت غزة يا غالية يامة يا بنت غزة للعزم همه أنا طفلة يا مة وبتنعي أمة يا بنت غزة يا غالية يا مة وأنا يا مة بارضع من شوق حنينك رصاصة يامة طالت جبينك رضعت دمك وصوت أنينك ونداكي قلبي ضميني ضمة يا بنت غزة يا غالية يا مه وحشاني يامة بصوت صراخك وحشاني يامة ضمة دراعك رضعت دمك لحظة وداعك يا بنت غزة يا غالية يامة وأنا بنت غزة أنا اسمي عزة هاكبر يا أمي وأنا كلي عِزة وف كل قلب أنا هابقى غزة آخد بتارك وافديكي يامة يا بنت غزة يا غالية يا مة
شعاع المصري(21) قال الشعاع للشمس يلا أنوار جبين المصري هلا والمصري ده سلطان زمانه والكل عارف ده فين مكانه الله عليه والحارس الله قال الشعاع للشمس يلا نخلق بنور العزم همة والله عليك يا مصري لما تغزل ما بين الفرقة لمة والفرحة ويا الشمس هلة قال الشعاع للشمس يلا النصرة ويا الفجر طاله محلا الأمل في الصبر محلا والفرحة ويا النصرة تحلا . قال الشعاع للشمس يلا
ميلاد أمه(22) جورج معاه عبد الرحمن قرب لي يلا بسرعة كمان يوم نصر مصر على العدوان باركت لنا ملايكة رحمان وجورج معاه عبد الرحمان يوم الإيمان أصدرنا بيان سبحنا مولى جرس وأدان يومها اتولد فجر الشجعان والقلب كان ع القلب كمان جورج معاه عبد الرحمن واليد واحدة وزادنا وحدة يبقى لبهدف وحدة أوطان جورج معاه عبد الرحمن للفتنة قاهر والطغيان قرب لي آخدك بالأحضان راح نحترم كل الأديان قوم بينا صلي على العندنان من أوس خزرج أو نجران شهدت جميعها إن الإسلام دين ع السلام أمين وأمان شهدت لنا آيات القرآن أدخلوا مصر بكل أمان ده جورج معاه عبد الرحمن هدية غالية من الرحمن قمر منور في الأوطان ولا يقهرنا عدو جبان ده جورج معاه عبد الرحمان
لما كنت صغيرة(23)
وردة جوا المندرة قالوا عني وشافوا إني كنت حتة سكرة لما كنت صغيرة كان يمر العيد عليا وضحكة رايحة وفرحة جاية كان حنان أمي عليا وردة بيضة مخضرة لما كنت صغيرة كان حنان لحظة فراقي يروي حبي واشتياقي للأراضي مخضرة لما كنت صغيرة والنجوم بتلالي فوق كان جمال حسي يفوق طرحة تلي مشجرة لما كنت صغيرة شفت مجدي ف عهد جدي يتزرع ف احضانه ودي والإله يفرح بحمدي رغم إن الفقر عندي أرض قلبي منورة لما كنت صغيرة لما كنت أتمنى أكبر أروي أرض المسك عنبر والخيوط م الشمس تكبر نورها جوا الكون يكبر يعلا صوت القاهرة لما كنت صغيرة مستحيل كان يوم أصدق إن إيد للأرض تحرق تخطف الأحلام وتسرق أو مابينا ف يوم تفرق لما كنت صغيرة كنت بحلم زي طير ينزرع فاحضانه خير مش ألم يصبح أسير نعش لو يصبح أمير يبكي جوا القلب يسأل فينها تاني المندرة لما كنت صغيرة
سر انتصاري(24) قالوا البطل ده ابنك قالوا البطل ده ابني قالوا البطل ده مسلم قالوا البطل ده قبطي قالوا البطل ده جاري وأنا أعلنت اعتذاري ابني وإبنك وجاري هما سر انتصاري وميلاد فجري ونهاري قالوا البطل ده مسلم أنا قلت الفرحة لمه قالوا البطل دا قبطي أنا قولت الدين ده رحمة والوحدة بتبني أمة هايهل النور علينا محمد يا نبينا يا هدية ورحمة لينا يا ما قلت الاحترام للدين واجب علينا وأكيد في الشدة مسلم يحضن بالحب قبطي والجنة دي يعني رحمة ... وقلوب بالحب تعطي
رسالة أطفال الأقصى(25)
سكوت للجميع وليا استماع وليش الضياع وقلبي اللي ضاع في لحظة وداع أبويا اللي جاع وم الأقصى بصرخ وباهتف سماع وقلبي القنوع ما بين الضلوع صليل للسيوف بيرجف يجوع وم الخوف اسير شوية رعاع وليش الضياع وعمي وأخويا طوب الارض باع سابوني بآسي أسير الرعاع ليش الضياع وجوايا طير يرفرف يطير يحيي العروبة ويزرعها خير وم الأقصى باهتف وباصرخ سماع ودم العروبة على الأرض ساح في أيام كسينجر وبوش لما دمر وليفني تدبر وتبني وتشكر أمير الضياع وليش الضياع أوباما بخير واخويا الصغير في لحظة ميلاده هجوم الرعاع بيقتل في أمي وتنزف يا دمعي في لحظة وداع لأمي الشهيدة وابويا الي ضاع وليش الضياع وفرقة بتحرق قلوب الجياع لفتحي وحماسي وسيف الضياع بيسألني زيي !!! ليه يد أخويا بتقتل أبويا؟؟ ويفرح عدايا يغذي الصراع سكوت للجميع وليا استماع ليش الضياع وهمي يا أمي بيغزل في دمي صراخك أنين يبكي السنين وفرقة وطننا هوا المعتدين ومستوطنين تفرق صفوفنا وتقتل ضيوفنا وتغزل بخوفنا كفونا ونعوشنا سكوت للجميع وليا استماع يا فرقة بلادي يا أصل الضياع تضمي الأيادي يهون اللي باع وهاكبر يا أمي وها بقى الشجاع بروحي ودمي وحقي اللي ضاع راح أغزل يا أمي خيوط الشعاع وللفجر هاحلف بحقي الي ضاع ما تصبح يا أقصى أسير الرعاع سكوت للجميع وليا استماع وليش الضياع وقلبي اللي ضاع بيولد شعاع ويأبى الضياع إيماني في قلبي مايفرد دراع ولا أذرع في لحية ولا ألبس قناع بديني وسلوكي هابدد شكوكي وللعالم أثبت بإني الشجاع وأرجع لأبويا مكانه اللي ضاع سكوت للجميع وليا استماع يا أرض الشعاع دا جوايا قلبي بيرفض خضوع ويولد شعاع سكوت للجميع وليا استماع
باصرخ وأقول الآه(26)
والإبن بعدالطرد في القلب كان مأواه والأقصى ويا المهد عايشين معاه وجواه باصرخ وأقول الآه ونبض قلبي لما خدني قاللي بطنك قبل بطني قاللي ابنك هو ابني وأنت بالأحجار رميتني جرحت قلبي بطعنتك بعدأما رق وحنلك وإيديا مسحت دمعتك يافتح يافلسطين أو حتى حماسيين أرض الكنانة درع أرض الكنانة ردع أرض الكنانة عرض وأولادها مصريين لكن الكرامة خط أحمر ماهوش خطين ماتشوفوامصر المجد أم الهرم والسد ده لكل واحد حد ولا عمره كان اتنين بقى هو يعني اليد في الشدة لو تتمد يكون جزاها العض؟ ولا أنتوا مش فاهمين ده علمنا رمز المجد عمره ما كان علمين وجميلنا لو يترد بالعنف يا فلسطين ع القلب لما يرق لازم نقول آسفين والاعتذار للأرض واجب كمان للطين
غريب الدار(27) يا أرض المجد ضميني ياريت الوحدة تحميني جبال الصبر قتلاني وأنا عايش لحرماني بيشهد بالوفا طيني فلسطيني فلسطيني عروبة بمس شيطاني تقول المجد عنواني وبعد ثواني تنساني فلسطيني فلسطيني أخويا ياحتة من قلبي في قلبي بيتغرز سيفك غريب الدار إليك أجري ويجي بكايا على كيفك قولوا لي ياناس لمين أشكي أصيل بالدم مهما أحكي يقول الطين فلسطيني وبارفع في السما عييني وأقول يارب ترزقني بيد أخويا تحميني وبعد مماتي تحييني فلسطيني فلسطيني
ليالي رمضان(28) ملت ليالي الصبر مالجهد والتفكير والليلة شاف البدر رمضان وطفل فقير طفل وكأنه في أسر وأعجب من الفوازير عايش يا ناس حلمه بفانوسه يبقى أمير والذنب مش ذنبه دا الأب أصله فقير مالهوشي أكل اللحمة ولا شوي ولا تحمير ولا لقمة وسط اللمة وفي بلدي خلق كتير في اليوم بتاكل ياما وأساتذة في التبذير الله على الإسلام في الشدة فضله كبير وصانا خير ووئام والرب في التدبير دي ذكاتنا وصلاتنا جنة وزادها الخير مع بسمة نرسمها على وجه طفل فقير ممكن جبال الشر تدوب في بحر الخير
لاجئ سياسي(29) طالب لجوء سياسي ولاعمري هطاطي راسي للناس ولا المكان زمان كان يا ما كان الورد ع الجدران يرقص سعيد فرحان والقلة والفنجان وقلوب للكون صديقة شوارعنا تقول حديقة!! واحة أمن وأمان مافيش ولا حجر صحي ولاسل ولادخان دا الأسطى حكيم زمانه فارس عصره وأوانه سبب طرش الودان وجارتنا الحلوة هامة ياحلاوة المحشي لما بإيديها يفيض حنان الله على أم سيد حكايتها كمان جنان لوترمي مخلفاته في الشارع للجيران كأنها عامله حفلة في عيد ميلاد فيران وتنادي ع الحكومة تنضف المكان دبان وناموس وطافش والكل ف بلدي هارش من شدة الحصار تبص نلاقي مطرب بيغني للحمار خيار أورز جايز محلاه طعم الخضار يا سلام لو يوم يغني مرة لديل الحصان ده تلوث سمعي لازم تتظاهر له الودان بينا نضف بلادنا علشان سلام ولادنا وحضارة الأوطان
يا ريتك يا مة ويايا(30) يا وردة وساكنة جوايا جبال الصبرفي حشايا خريف للقلب يندهلك أسير مشتاق عبيرحبك ياريتك يا مة ويايا جناح الصبر ناداني بكاس المر وسقاني يا ساكنة ف روحي وكياني يا ريتك يا مة ويايا يا أول كلمة في غنايا رموش الهم وشقايا بتحضن خوفي جوايا يا ريتك يا مة ويايا عيون القلب تندهلك عبير الحب مشتاق لك ونبض القلب بيقولك يانجمة روحي يا أمي في أحضان البعاد ضمي سنابل شوكي على ألمي وضاع العمر يا أمي زمان ... همك غسل همي يا ست الكل يا أمي ياريتك يا أمة ويايا خيوط الصبر بتنادي وتحلف جي في معادي يا ست الكل يا أمي مراري بيجري وف دمي تعالي تضمي وتسمي خريف العمر يا إسمي بتبدر في الهوا رسمي معالم تايهة جوايا بتدفن كل ضحكايا وتكتب بالوفا حكايا ياريتك يامة ويايا
مساء الفل يا غالية (31) على خدود الأمل بصي بكل الحب هاتحسي دا رمش القلب بيمسي جايب لك م السما هدية قصايد حب وردية مساء الفل يا غالية وحضنك كل موانيا ؟؟؟ مساء الفل يا غالية بتغزل شعري وحروفه عيون القلب بتشوفه تقول قوافيه تضم القلب بكفوفه وكل ما فيه مساء الفل يا غالية وحقك يا أمة على راسي وقلبك هو نبراسي مشاعري وكل إحساسي يا جنة أهلي مع ناسي مساء الفل يا غالية يا وش الخير في ليل الغربة بندهلك وقلبي أسير بيخلق صوته من صمتك وزي الطير أهيم أحضن تراب أرضك بكيت من قلبي وآهو ضمك بدون تفكير مساء الفل يا غالية يا وش الخير في يوم أصحابي خدعوني لأرض هلاكي وخدوني قالولي إن أنت هتهوني فالولي اللحظة في ابعادك تجيب دنانير وتهت ف ليلي والغربة من التفكير واديني ف لحظة برجعلك بطفل كبير بيخلق خيري جوايا ياريت يا أمايا سامحيني أنا ابنك أكيد ليكي ومش للغير مساء الفل يا غالية يا وش الخير
خـــلاص(32) يا ما كنت اتمنى تسأل وأنت تتقل وتتقل يا خسارة على الهوا لو ضاع معنى الحياه إزاي الحب يوصل وأنا كنت أتمنى تسأل وأنت تتقل وتتقل يا ما كان قلبي معاك دايب حب في هواك وفي فرحك وأساك كان دايما قلبي يسأل لكن خلصت خلاص لازم هاوضع أساس والجرح في الإحساس يقول للحب يرحل كان حبك لي الهلاك وأنا قلبي راح ينساك منايا في يوم لقاك ما أسألشي ولا أنت تسأل ياما كنت أتمنى تسأل وأنت تتقل وتتقل
قول يا حبيبي(33) عن بعدي مين مسئول ليه البعاد بيطول وأفضل أنا مشغول قول يا حبيبي قول وارجع لي تاني عشاني مشتاق إليك بحناني لسه معاك عنواني قول يا حبيبي قول الشمس هي جبينك والحب هو حنينك كل النجوم شايفينك مهما الليالي تطول قول ياحبيبي قول عاشقك ومش معقول كل الأماني اتزول هافضل أغني أوقول قول يا حبيبي قول ليه البعاد بيطول
فارس الترحال(34) موال وكام مرسال وخطانا ع الأهوال بسألها ألف سؤال عن فارس الترحال إزاي بسمار جبينه وبياض قلبه وحنينه كل العيون شايفينه إنسان غريب رحال طيبة قلبه وأنينه وقلوب كتير ظالمينه تايهين ومش عارفينه دا الغدر منه محال موال وكام مرسال عن فارس الترحال عاشق أنا الموال يا فارس الترحال زيك أنا رحال والروح تناجي الروح كل اللي شافك قال دا صمته أحلى كلام يتحدى بيه الأيام وقلبه خير وسلام رغم إن أناته صوتها يهز جبال في كلامه وسكاته عالم اكيد فنان وألف آه وآه لو يوم يتوه مرساه تلقاه في عز الآه كل القلوب مرساه والطيبة دي زاده كرم الإله علاه
آه يا ليلي(35) آه يا ليلي وآه يا عين ع الحب ما بين قلبين لو يطرح شوق وحنين آه يا ليلي آه يا قمر حبك ده حكم قدر يا حبيبي حبك أمر في عيونك يحلا السهر وآه يا ليلي آه يا عيني يرويك حبي وحنيني تسكن روحي وتكويني آه يا ليلي آه يا قمر أنا صحرا وانت المطر أنا طير وانت الشجر ماتقولي ليه أنا حيرانة في عيون حبيبي وسهرانة وسهران هنا الحب معانا آه يا ليلي آه يا زماني قلبك وطني وعنواني ناسية زماني ومكاني طيرة ف أحضانها شجر آه يا ليلي آه يا قمر حبك ده حكم قدر
عيون حبيبي(36) يا عيون حبيبي أنا سامحيني مش قصدي أظهر بأنيني سامحي الهوى والشوق والروح يلا احضنيني أنا ضميني يا عيون حبيبي أنا سامحيني محتاج حنانك دفيني قلبي اللي ياما قاسى الحرمان غير مبادئي وتكويني وصبحت عاشقة بكل إيمان دستوري شوقي وحنيني يا عيون حبيبي أنا سامحيني حبيبي روحي ونور عيني واللمسه م الهنا تحييني من نظرة بس بترويني ياعيون حبيبي أنا سامحيني مابين ضلوعه أنا قلبي هناك يقوله روحي أنا رهن رضاك حيرانه م الباب للشباك لو دق قلبي أنا هاستناك وافتح وأدوب لحظتها معاك مين صدره غيرك يئويني ياعيون حبيبي أنا سامحيني سامحي الهوا والشوق والروح يلا احضنيني وضميني
جزيرة الحب(37) ريشة فنان رسمت إنسان أحضانه أوطان وكلامه كمان أبيات لقصايد لها أوزان محلاه فنان حبيبي وإنسان من حبي زرع ياسمين وريحان الشوق وياه توهني وتاه من قولة آه والقلب معاه دوبني وداب في ليالي هواه محلاه فنان حبيبي وإنسان البحر بيشرب منه حنان وسمايا كمان وقمر سهران غيران حيران لو انطق اسم حبيبي كمان محلاه فنان حبيبي وإنسان دي اللحظة في بعد حبيبي سنة وأنا أقوله بحبك آه يا أنا اغزل أنا اسم حبيبي هنا محلاه فنان حبيبي وإنسان بانسى وياه مين تبقى أنا صوتك ألحان ونغم رنان محلاك إنسان محلاها أوطان جزيرة حب ف قلبي أنا آه يانفسي بحبك آه يا أنا
لحظة عجز(38) إزاي ياقلبي حبيبي يصرخ يقول الآه وأنت يا قلبي حبيبه ساكن معاه وجواه إزاي يقول الآه وقلبي منه قريب أجمل وأغلى حبيب لحظة ما قال الآه هربت دموع العين أشكي لمين أو فين واصرخ بأغلى الصوت ليه الزمن بيفوت ع الحب يصبح ذنب تنزف دموع القلب في زمن وله وشين إزاي يقول الآه والعين تناجي العين كل القلوب حاضناه وأنا قلبي فيه سكين يا قلبي مليون آه باصرخ وأقولها معاه إزاي نعيش مساكين مع إن نبض القلب مقسوم بين الحبيبين
قمر السهر(39) قمر السهر سهران محتار يا ناس حيران يا صبر والله زمان قمر السهر سهران وأملنا جاي بكرة مبسوط ياناس فرحان يتزف بالبشرى وأنا بالأمل أدرة أرجع اللي كان قمر السهر سهران وطيوره تتوشوش في القلب بتعشش يا حبيبي ما هنتش والله علي ثوان قمر السهر سهران في عشقي أنا ولهان وحروفي تتمايل قوافيها والأوزان قمر السهر سهران ونجومه زي زمان تغزل حروف إسمك أجمل حبيب إنسان فارس بلا عنوان للحب كان قبطان فلبه بمليون سفينة بحره محبه وحنان قمر السهر سهران
سهر الليالي(40)
حاولت كتير أخبي عنك يا روحي حبي وحاكمني بقسوة قلبي حاولت كتير أخبي حبي ونار اشتياقي لو قلت أهرب ألاقي حلمي بيوم التلاقي يفضح بالحب قلبي حاولت كتير أخبي عشقي ف قلبي وحناني يرجع يتقوى حبي ويقوي بيك إيماني حاولت كتير أخبي بس ف قلبك مكاني وف قلبي نجم عالي يحضن قمر الليالي ينده بالحب اسمك طبع الحسن فملامحك يا حبيبي تعالى جنبي تسكن بالحب قلبي ده كتير حاولت أخبي عنك سهر الليالي
أعز الأحباب(41)
حبيبي يا أعز الأحباب بسأل أنا والرد جواب لو البعاد كان يوم ممكن من القلوب هنا يتمكن إزاي يكون بين الأحباب بحر العيون لو كان سكر إنت وأنا شهد مكرر والقطفة منه بعد غياب تزيد كتير عدد الأحباب بسأل أنا والرد جواب كل القلوب هنا تتمختر مشتاقة هيمانة بتسهر في جمال عيون حبيبي الأسمر والفجر سهران بيكبر يا حبيبي سبحان مين صور محلا اللقا من بعد غياب خلا السعادة بتدور ع الحب يا أعز الأحباب وسألت أنا ببراءة سؤال للقلب رد بسرعة وقال من الجنان لو يوم إنسان للبعد عنك يتصور سماحة شدة حب إيمان للجهل بيها يتنور يا حبيبي يا أعز الأحباب بسأل أنا والرد جواب
الخصخصة(42) يا بلادنا وقسموكي واتوصوا بيا أنا يا بلادنا وخصخصوكي للأخ وللضنا يابلادنا وقسموكي وبقولها من هنا مش عاوز آخد صكوكي هافضل فقير أنا وبلادنا تضمنا مش عاوز أركب شيروكي هاركب حمار أنا يا بلدنا وقسموكي ناويين تاني يبعوكي مش ناقص إلا أنا يابلدنا وقسموكي وكمان هايقسموني أو يمكن هايبعوني وعشان ماليش تمن مين يشتري الحزين تايه من غير وطن يا بلادنا وقسموكي واتوصوا بيا أنا يا مثبت العقول باصرخ أنا وبقول أدمنت أكل الفول مش عاوز كفته أنا طعمية اتضمنا وعلينا حنينة يا مثبت العقول خلصت كل الحلول أمال راح فين تاريخنا أو عهد مجدنا يا بلادنا وقسموكي واتوصوا بينا أنا أنا آآآآآ
أنوار الحسين(43) كلمة وطن يعني الإيمان يعني الصلاة يعني الأمان يعني الحياة والحب دين ونور جبين سيدنا الحسين فارد شراعه ع الوطن غصن الزتون فرحان قوي وأرضه للإيمان سكن. بما إنه ده معنى الوطن بسألكوا ليه ؟؟ بسألكوا ليه مات الحنان وعلى الإيمان فات الأوان مع إن صوت الحق بان رغم إنه واضح من سنين بيشق نوره للسراب يسألكوا ليه تاني العذاب يسألكوا وف قلبه الأنين فين الإيمان والرحمة فين ليه اتفجروا ف سيدنا الحسين ليه تخسروا صوت النبي بالرحمة قال يلا ادخلوا جواها وأنتم آمنين وف أي مله .. كتاب ودين رب العباد قال الأمان يا مرسلين أما اللي فاكر إنه لو غرق وطن هايكون نبي أو لو طلق في ضلوعه صوت جاهل غبي هيكون شعاع بالجلابية البيضة فوق البنطلون والدقن ما تعرف حدودها من حدود اللي يخون يبقى ناسي يعني إيه يكرم ضيوفه يعني لما يكون في أرضك ينسى خوفه يا اللي ما ليكم وطن ولا أي دين يا اللي ما ليكم سكن وف أي ملة منبوذين ليه تجمعوا خيوط السراب وتضلوا واتجارم بالدين
بغداد(44)
بغداد يا بغداد للعزة بينا معاد رملك تراب أمجاد بغداد يا بغداد م الفرقة والله ما عاد شمع الفرح ينقاد بغداد يا بغداد زرع العدا خوفي والهم كان ضيفي يغزل لي توب خوفي لون السواد له حداد بغداد يا بغداد طفلك يموت م الخوف م الفرقة انا مكسوف والقلب بات ملهوف ع الأهل والأحفاد بغداد يا بغداد يا رمش قلب الليل دم ف عروقي أصيل تكويه نيران الويل ع العزة والله دليل ولا عمري هابقى ذليل هأنادي أخوة إبعاد بغداد يا بغداد يا دمعة ف عيوني عمرك ماهتهوني أهلك عرب أسياد بغداد يا بغداد صوت الوليد رنان تايه بقاله زمان يغزل خيوط بكرة ويحضر البشرة والزينة للأعياد بغداد يا بغداد من دمعه ضي النور يغزل له قلب جسور فارس نيرانه تثور ولا مرة بات مقهور ها يرجع الأمجاد للعزة بينا معاد بغداد يا بغداد
الجمعة أكتوبر 21, 2016 4:21 pm من طرف 
Ahlamontada 
