محاسن بيومي في رحلة هروب

لما باهرب من وجودي
ارتمي ف أحضان جدودي
أنسى نفسي بين إيديهم
تنقطع أحبال قيودي
لما باهرب من وجودي
افتكر لحظة حنان
افتكر أيام زمان
والدموع تملا المكان
والحدود جوايا تهرب
لما باهرب من وجودي
يبكي ف القلب الأنين
تصحى جوايا السنين
والنجوم السهرانين
تبكي من فيض الحنين
للحبيبة الغالية لما
تمسح الدمع الحزين
أندهك يا حبيبتي عودي
لما باهرب من وجودي
بافتكر رزع الغيطان
بافتكر صوت السواقي
والكنيسة والأدان
بافتكر صوت الحبيبة
والقلوب مليانة طيبة
بس ليه كل أما قرب
ألقى بعدك عني
أقوى من صمودي
تبعديني عن حدودك
تبعديني عن حدودي
لما باهرب من وجودي

» محاسن بيومي في هروب
» محاسن بيومي في صرخة ألم
» محاسن بيومي في آآآآآآآآآآآآآه يا بلد
» كوكتيل محاسن بيومي في عشق مصر
» محاسن بيومي مع ولادك يا مصر