عدد المساهمات : 326 تاريخ التسجيل : 14/12/2008 العمر : 54 الموقع : www.magneno.malware-site.www
موضوع: كوكتيل من بلدنا الجمعة نوفمبر 05, 2010 10:44 am
(1) وحشاني
الأرض ليها حنان ....... وف قلبي ساكنان ماللي بناها كان......... في الأصل حلواني اللي بناهاكان فنان وخلاني وهمومي ساكناني ......... أصرخ وأقول ياني واحضنها بحناني ........ماللي بناها كان في الاصل حلواني يزرع جنانين حب والمسك رباني عطشان لنسمة شوق وعبيرها أوطاني واللي بناها كان في الاصل حلواني أخضر يالون الارض والخضرة عاشقاني تزف عطر الشوق يا بلادي وحشاني اللي بناها كان ............. في الأصل حلواني حب الوطن بركان وحبيب بقاله زمان في الغربة بيعاني رغم إني فيكي يا مصر يا بلادي وحشاني وحشاني ساعة العصر واللمة وجيراني اللي بناها كان .......... في الاصل حلواني محتاج لساعة صفر للنصر من تاني أهزم جيوش النفس واغسلها رباني مش بالكلام يا خلق راح نبني أوطاني اللي بناها كان بالعقل خلاني مفتاح رايات النصر والنصر آهوجاني ده اللي بناهاكان ........في الاصل حلواني رغم فيكي يا مصر يا بلادي وحشاني
(2) دم الشهيد
يا مصر يا أعظم وطن باحضن ترابك والكفن قلبي وبين رملك سكن يحضن ترابك والكفن يا مصر يا أعظم وطن إيد ويا إيد ممكن تعيد من تاني مجدك ما أنا بردو ابنك يا مصر يا أعظم وطن باحضن ترابك والكفن ابنك أكيد هو الوحيد وسط الصعاب .. يخلق له عيد يا مصر يا أعظم وطن الدم ع الكون اتفرد نجم النجوم صلا وشهد ابنك داكان أعظم ولد وسط النيران صلى وسجد وقلبه للإيمان سكن يحضن ترابك والكفن يا مصر يا أعظم وطن وحشاني يامه ... ضميني ضمه بطلك شجاع أصبح فقيد بالدم كان أهداكي عيد أوصيكي يامه ... ابني الوليد هو الفدائي... ابن الشهيد يحضن ترابك والكفن يا مصر يا أعظم وطن يامايا دمعك لملمي وعليكي ليا سلمي ياحرة لا تستسلمي يا غالية لا تتألمي يا مصر يا أعظم وطن سال يا مه دمي سيل شديد طهر ترابك من جديد باهديكي يامه.. ابني الوليد واتمنى يامه.. يصبح شهيد ويعيش معايا جنة هدايا ابنك فدائي واعظم شهيد اهداله ربه.. نور الشهادة نور أنبيا وجواه سكن يامصر يا أعظم وطن باحضن ترابك والكفن في القبر يامه.. نور جوا نور بين الملايكة في الجنة حور تهديني من رملك دهب ياغالية قلبي اللي اتوهب والشمس مش ممكن تغيب دا القلب لترابك حبيب مابين ضلوع رملك سكن يا مصر يا أعظم وطن باحضن ترابك والكفن
(3) بغداد
بغداد يا بغداد للعزة بينا معاد رملك تراب أمجاد بغداد يا بغداد م الفرقة والله ما عاد شمع الفرح ينقاد بغداد يا بغداد زرع العدا خوفي والهم كان ضيفي يغزل لي توب خوفي لون السواد له حداد بغداد يا بغداد طفلك يموت م الخوف م الفرقة انا مكسوف والقلب بات ملهوف ع الأهل والأحفاد بغداد يا بغداد يا رمش قلب الليل دم ف عروقي أصيل تكويه نيران الويل ع العزة والله دليل ولا عمري هابقى ذليل هأنادي أخوة إبعاد بغداد يا بغداد يا دمعة ف عيوني عمرك ماهتهوني أهلك عرب أسياد بغداد يا بغداد صوت الوليد رنان تايه بقاله زمان يغزل خيوط بكرة ويحضر البشرة والزينة للأعياد بغداد يا بغداد من دمعه ضي النور يغزل له قلب جسور فارس نيرانه تثور ولا مرة بات مقهور ها يرجع الأمجاد للعزة بينا معاد ..... بغداد يا بغداد
(4) برودة العرب
عروبة يا باردة قلب الوليد مسكين من خوفه م الدنيا خايف تشوفها العين سكن الأنين قلبه واستشهدوا الغاليين يا عروبة يا باردة ابني الوليد مسكين يا عروبة يا باردة روح الوليد شاردة قال أمنا واحدة وأرضنا واحدة كل الجباه ساجدة تنده صلاح الدين والمجسد النبوي والقدس وفلسطين والعذرا والصخرة غزة ودير ياسين من قهرها بتصرخ ليه تقتلوا فلسطين يا عروبة يا باردة قلب الوليد مسكين حزنه ما بين ضلعه قبل الأوان بأوان يا أم القلوب جاحدة قلب الشهيد تعبان ليه الأخ يقتل أخوه والفرصة للعدوان تتعالى يوم ورا يوم ويموت الشجعان يا عروبة يا باردة قلب الوليد حيران بيننا ما فيش وحدة وتفرقوا الإخوات يا عروبة يا باردة كل القلوب شاهدة إبليس بقاله مكان يسكن قلوب رافضة للدم أي حنان أو حتى نبض إيمان في الشدة ينفعنا نرفع في كل أدان راية تكون مدنه نصرة في كل مكان يا عروبة يا باردة دمك بقى مألوف ف صفوف عالم تالت قبلك ويا ما ألوف غلبت في موالك تحلم بجمع صفوف وتشدي ترحالك إبليس حبيب ملهوف بجناحه يسعا لك ويضلل الملايين يا عروبة ابني حزين يسألني فين ومنين بلاد العرب ولمين ابني بيتأسف مليون أسف واتنين يتمنى يستشهد ولا إنه يبقى أسير أمة ما تتوحد والعقل فيها فقير
(5) مساء الفل يا غالية
على خدود الأمل بصي بكل الحب هاتحسي دا رمش القلب بيمسي جايب لك م السما هدية مساء الفل يا غالية قصايد حب وردية مساء الفل يا غالية وحضنك كل موانيا مساء الفل يا غالية بتغزل شعري وحروفه عيون القلب بتشوفه تقول قوافيه تضم القلب بكفوفه وكل ما فيه مساء الفل يا غالية وحقك يا أمة على راسي وقلبك هو نبراسي مشاعري وكل إحساسي يا جنة أهلي مع ناسي مساء الفل يا غالية يا وش الخير في ليل الغربة بندهلك وقلبي أسير بيخلق صوته من صمتك وزي الطير أهيم أحضن تراب أرضك بكيت من قلبي وآهو ضمك بدون تفكير مساء الفل يا غالية يا وش الخير في يوم أصحابي خدعوني لأرض هلاكي وخدوني قالولي إن أنت هتهوني فالولي اللحظة في ابعادك تجيب دنانير وتهت ف ليلي والغربة من التفكير واديني ف لحظة برجعلك بطفل كبير بيخلق خيري جوايا ياريت يا أمايا سامحيني أنا ابنك أكيد ليكي ومش للغير مساء الفل يا غالية يا وش الخير (6) مصرية مصرية وبطبعي عشرية مهما تحيط بيا يا ديابة بشرية مصرية مصرية والأصل من طبعي يارموش عيوني اوعي من كلمة تنخدعي دا السم في الحية مصرية مصرية عارفة حدود ديني والحب تكويني الرب يحيمني مصرية مصرية باكل درة نيلي واعشق نجوم ليلي أنا كلي حنية مصرية مصرية أصل الخنضفر ديب بخيوطه حواليا فاكر هيبقى حبيب دا أنا أمي مصرية والأصل تربية مصرية مصرية باعرف قسم ونصيب وأديان ورب قريب مش سلعة مرمية مصرية مصرية يا أعمى قلب وعين يا أبو زوجة أو بنتين زيك ما فيش اتنين ماهي خيبة وقوية مصرية مصرية مهما تطوف وتشوف في الدنيا ياما ارفوف واحنا عليها ضيوف راح يكبروا وهاتشوف ثمرة شقاك ديا وأنا قلت مصرية مصرية مصرية وساعتها بعد فوات وف كلمة بعد سكات تعرف بكل ثبات إن اللي فات مامات لأ حي يا عنيا مصرية مصرية وكمان بنات الناس ماهيش مباحة خلاص دي الجنة ما تنداس لجبان عديم إحساس للملك دي هدية مصرية مصرية
(7) التليفزيون
قنواتنا يا ناس رؤيتها أساس محلاها فتواها قناة الناس والأزهر خادللي أجازة خلاص في التليفزيون التليفزيون لو كنت تجارة أو ف الألسن فرص الأعمال هنا مش ممكن ديتها هتقرا وتتمكن وتكون كده شيخ في التليفزيون الشعب ده طيب قلبه حنون أصبح مجنون بالتليفزيون في التليفزيون التليفزيون في التليفزيون بهارات يا بنات ماكياج وآهي موضة للستات من بعد فسيخ يعمل شربات ولقهر الزوج ده سبع وصفات في التليفزيون في التيفزيون الحاجة دي فتواها عجيبة ضرب الزوجات للزوج هيبة فتواها مبنية على الخيبة في التليفزيون التليفزيون الشيخ بيقول الكورة حرام والبسمة عقابها سبع تيام كلنا في جهنم نبقى نيام في التليفزيون في التليفزيون الواد محروس والبت وفاء عاشقين في الدنيا جمال هيفاء للفن العربي كتبت رثاء في التليفزيون التليفزيون في التليفزيون السقة آهو مات وكرومبوا حظيرته عشر جاموسات بينا يلا شاهدها جاموسة ع السات بينا يلا يا ناس ع الفضائيات نشوف اللي هايجرى وبكرة يكون في التيفزيون التليفزيون محلاها قيمنا ومهما يكون .... في الدنيا أرق وأحلى جنون التليفزيون التليفزيون
( باصرخ وأقول الآه
والإبن بعدالطرد في القلب كان مأواه والأقصى ويا المهد عايشين معاه وجواه باصرخ وأقول الآه ونبض قلبي لما خدني قاللي بطنك قبل بطني قاللي ابنك هو ابني وأنت بالأحجار رميتني جرحت قلبي بطعنتك بعدأما رق وحنلك وإيديا مسحت دمعتك يافتح يافلسطين أو حتى حماسيين أرض الكنانة درع أرض الكنانة ردع أرض الكنانة عرض وأولادها مصريين لكن الكرامة خط أحمر ماهوش خطين ماتشوفوامصر المجد أم الهرم والسد ده لكل واحد حد ولا عمره كان اتنين بقى هو يعني اليد في الشدة لو تتمد يكون جزاها العض؟ ولا أنتوا مش فاهمين ده علمنا رمز المجد عمره ما كان علمين وجميلنا لو يترد بالعنف يا فلسطين ع القلب لما يرق لازم نقول آسفين والاعتذار للأرض واجب كمان للطين
(9) حنان الدم
أنا منك وانت مني يا أخويا يا حتة مني أنا منك وانت مني وحنان الدم يا ما للحب كان علامة أنا منك وانت مني صوت السواقي باقي يبكي ف لحظة فراقي ع البعد بيعاتبني ما انا منك وانت مني إزي تجرحني إيدك أو سهمي يوم يصيبك وانا منك وانت مني يا أخويا يا حته مني يا هلالي أخوك حبيبك يا صليب للدنيا غني إسلامي علي صوتك بالفرح قوم قابلني يا أخويا يا حتة مني يا أخويا آه يا ني بالفتنة ليه كواني يا صعيدي يا جواني يا غازلي ف أحزاني ليه تحرق أوطاني وأنا منك وانت مني آه يا فاطمة يا ماريا يا كل الدنيا ديا إسلامي دين سلامي والقبطي إنسانية وده أمر المولى ليا في الآخرة هايحاسبني يا أخويا ياحتة مني أنا منك وانت مني
(10) صوت الحنان
صوت الحنان بالدم برسم خيوط الهم قلب الوليد م الغم يغزل في نور عيني بالفرقة ما يتلم صوت الحنان بالدم يا دمعي يا أنيني يابلادي ضميني دا الشمل لو يتلم صوت الحنان بالدم يقلب موازيني والوحدة هاتجيني م الهم تشفيني وابن البلد والعم صوت للحنان بالدم بالحب يئويني بلدي يا نور عيني م البرد غطيني ما بين رموش الهم والشمل يوم يتلم صوت الحنان بالدم يا بلادي دفيني بالحب قويني
(11) صرخة ألم هاتجن
صرخة ألم هاتجن والفرقة تملا وطن كان للسلام يوم فن يا فلبي لا تحزن صرخة ألم هاتجن يا بلادي فايضة حنان والهم لو إنسان يرسم عنيكي شجن وعروبة تملا وطن أرض الكنانة زمن صرخة ألم هاتجن يا مصر يا توبي صرخة ألم هاتجن خلي ومحبوبي بين الضلوع دوبي النصر مكتوبي للدم لما يحن وآلامي تملا وطن حب العروبة شجن صرخة ألم هاتجن قلب التاريخ لو حن يصرخ الم ويئن يا شوقي وحنيني الوحدة هاتجيني تقلب موازيني وتبوس تراب طيني
في الحارة أو في زقاق العلم والاخلاق م الجيزة للوراق في الحارة أو في زقاق محلاها شرقية في الطيبة مصرية والبور سعيدية في الحارة أو في زقاق تعلي يا أخلاقي أسواني وبولاقي وياعباسية كمان بالحب تتلاقي في الحارة أو في زقاق ع الإسماعيلية يا سكندرانية سينا جنوب وشمال بالحب مطلية بالعلم والأخلاق في الحارة او في زقاق أسيوط مع االمنيا والمجدعة غية وحدة ووطنية وادي الملوك يشتاق للطيبة والأخلاق الاقصر كمان غية ودي أرض مصرية في القاهرةالطاهرة الازهر مدد ليا
الجمعة أكتوبر 21, 2016 4:21 pm من طرف 
Ahlamontada 
باصرخ وأقول الآه
