محاسن بيومي أصيبت بالخرس في سكت الكلام

سكت الكلام
سكت الكلام وسط الظلام
للحرب لا فين السلام
سكت الكلام
و صوتك إنت يا ألم
قام وسطنا صلى القيام
سكت الكلام
والامة تاني اتفتت
ثوار فلول واتشتت
تزرع نيران الانتقام
سكت الكلام
وبدأت أصرخ آه يا نيل
راح نهدي سينا لإسرائيل
وف جهلنا مالناش مثيل
فين الوئام والإلتئام
فين حبنا لجيشنا الهمام
سكت الكلام
يا جيشنا يا نسر السلام
ياوحش كاسر للعدا
لو مصر تجرحها السهام
قلبي معاك سهران ما انام
وكرهت في الشعب الكلام
هوس الكراسي والانتقام
لو يوم هاتبعد عننا
يبقى على الدنيا السلام
يبكي الزتون ويا الحمام
وفروعه تلعن إننا
ريسمالنا في الدنيا الكلام
سكت الكلام
يا خير جند الأرض يارمز الأمان
بين الآيات قال ربنا
يا أرضنا أمن وأمان
وخير جند الأرض هما جندنا
فيه حد له شوق عندنا
بعد الإله ماشهد لنا
سكت الكلام
ولابد نسكت كلنا
من تاني نجمع شملنا
بالحب نحضن جندنا
هما شرفنا وعرضنا
يوم العبور يشهدلنا ,
شهداءنا في الجنة تنام
محتاج أنا نقطة نظام
من تاني يرجع مجدنا
يضحك لنا بدر التمام