يعني إيه الحب عندك
يعني إيه يهواني قلبك
يعني لحظة حب
شوق ينور قلب
ولا تقتلني بجرحك
وأنسى دنيايا وأسامحك
يعني إيه الحب عندك
يعني إحساس بالمشاعر ؟؟
ولا جرح ف قلبي غاير؟
يعني شوق م القلب طاير
والحبيب تضحك عنيه؟
ولا شوق نندم عليه
يعني إيه الحب عندك
يعني زلي وطول هواني
ولا فرحي وامتناني
يعني نار تحرق كياني
ويا قربك قبل بعدك
يعني إيه الحب عندك
كنت فاكرة ف مرة إنك
لما تجرحني وسامحك
قلبي يغلا ف يوم عليك
يعني إيه الحب عندك
يعني تنسى ف يوم ودادي
يتقتل م الشوق فؤادي
وأنسى حيرتي أو عنادي
لما تلمسني بإيديك
أشكي من جرحك إليك
ابتسم وف نور عنيك
ألقى دنيايا تصالحك
يعني إيه الحب عندك
يعني شوق يصبح آسرني
وانت تهوى البعد عني
يعني إيه الحب عندك
يعني إيه نفسي أعرفه
قلبي هواك لو تسمعه
تلقاه شموعه تحرقه
نفسه يهحر مرة قلبك
يبقى مفتاحه ف إيديه
ولا مرة هنت ف يوم عليه
تحرقه من الشوق إيديك
بسألك أنا باسم حبك
يعني إيه الحب عند
ك
لاجئ سياسي
طالب لجوء سياسي
ولاعمري هطاطي راسي
للناس وللمكان
زمان كان يا ما كان
الورد ع الجدران
يرقص سعيد فرحان
والقلة والفنجان
وقلوب للكون صديقة
شوارعنا تقول حديقة!!
واحة أمن وأمان
مافيش ولا حجر صحي
ولاسل ولادخان
دا الأسطى حكيم زمانه
فارس عصره وأوانه
سبب طرش الودان
وجارتنا الحلوة هامة
ياحلاوة المحشي لما
بإيديها يفيض حنان
الله على أم سيد
حكايتها كمان جنان
لوترمي مخلفاته
في الشارع للجيران
كأنها عامله حفلة
في عيد ميلاد فيران
وتنادي ع الحكومة
تنضف المكان
دبان وناموس وطافش
والكل ف بلدي هارش
من شدة الحصار
تبص نلاقي مطرب
بيغني للحمار
خيار أورز جايز
محلاه طعم الخضار
يا سلام لو يوم يغني
مرة لديل الحصان
ده تلوث سمعي
لازم تتظاهر له الودان
بينا نضف بلادنا
علشان سلام ولادنا
وحضارة الأوطان
بث فضائي
سلام يا دنيا العجب
دي الفاكهة ويا العنب
والفن له معنى
بالحب يجمعنا
يا قمرنا نورنا
كلاكيت وصورنا
بالحب أنا أوصيك
تصبح كبير دارنا
يا قمرنا نورنا
قوم شق قلب الليل
واكتب حضارة نيل
حلفت بعلم ذويل
للمجد مشوارنا
يا قمرنا نورنا
للعلم كون قدوة
يا رمز للقوة
مش بس فيك حوا
بالدنيا تتقوى
يا قمرنا نورنا
مش بس أخبارنا
ولا نانسي ولا روبي
نور لنا عقولنا
مش بس أفكارنا
مش بس مكتوبي
أتذق في حروبي
ثقافتنا وآثارنا
سرقوها من دارنا
سلبونا مبادئنا
يا قمرنا نورنا
دا البث له معنى
ماما سوزان
يا ماما سوزان
أنا طفل صحيح !!
ولكني جعان
عارف إنك بتحبيني
وتقدري قيمة الإنسان
كل الناس في شتاها غطاها
وأنا بتلوى من الحرمان
نفسي ف مرة أبات شبعان
نفسي ف ورقة أرسم لك فيها
جرحي وجرح أخويا كمان
نفسي ف لقمة ما بيني وبينه
لجل ما مرة يبات فرحان
نفسي ف أكلة رز وفتة
سمكة بلطي أو مرجان
نفسي أحافظ على الأوطان
نفسي أبطل مدة إيدي
للزوار والغرب كمان
ماما سوزان
أنا فرحان كده جدا بيكي
بدلي فيا الخوف بأمان
مليون وردة أهديها إليكي
ياوردة نادية على الأغصان
آدي إيديا خديها في إيديكي
تخلق جندي شجاع في ميدان
لكن الشارع خلاني أبكي
طفل صحيح ولكني جعان
عمره ما حس في يوم بأمان
ماما سوزان يا ماما سوزان بدلي فيا الخوف بأمان
أرواح شفافة
نجوم الليل بتتصافى
تميل ع القلب يتشافى
مابين أرواح بتتلاقى
لقا للروح منين ماتروح
سنابل للوفا والبوح
بتوصف لون جمال الروح
ملايكة وطاهرة مشتاقة
لبحر الخير بترمي هموم
وتخرج فضة لئلاءة
ورب قلوب جمعها يادوب
بكل الحب تتلاقى
لقا للروح أكيد مكتوب
لقا للروح منين ما طروح
تميل ع القلب يتشافى
وكل جروحه تتعافى
نجوم الليل بتتصافى
الجمعة أكتوبر 21, 2016 4:21 pm من طرف 
Ahlamontada 
