صرخة إنسان
باسم اختلاف البشر
في النطق والألوان
باتحدى كل البشر
وأصرخ أنا الإنسان
ليه الظلم بينا انتشر
يقتل فقير غلبان
ليه طفل يوم مولده
في الدم كان غرقان
ليه الحروب تقتله
ليه تدمرالإنسان
رغم اختلاف البشر
باصرخ أنا الإنسان
ليه الفتنة في الأديان
ليه الفرقة جوا الوطن
والدين ده للديان
موسى ودينه انتشر
بشرى لكل البشر
عيسى وأهدى البشر
يوم بشرى بالعدنان
زرع السلام أنبيا
ليه يقتله الإنسان
رغم اختلاف البشر
باصرخ أنا الإنسان
عنف يتم في الصغار
والخراب حرق العمار
بينا ليه غاب الحوار
والضمير ميت كمان
يارب رحمة قدر
باسم اختلاف البشر
في النطق والألوان
باصرخ أنا الإنسان